pOnIng kEpAlO dEn

apo nak jadi gak eh..poning amek memikirkan maselah oghang ni..paling esey poning bilo nak menjago kerani kek tompek esey tu..osah poning eh..dio sesodop yo nak mc..tak tau deh ko..kojo ngah melambak ni..pandir amik..penyudah eh..esey lak yang kono buek kojo dio oghang..tapi xdo lah sampai pengsan lak do..ok yo..esey kalo banyak kojo pun..esey buek camtu yo..xdo nak terkojar2 do..lantak eh situ..

nasib doghang ni dapek opis mate cam esey ni..yo xkesah pun kalau staf nak mc walaupun dah di bgohi tahu awal sebolom nak mc laie..tak ko pandir tu kan..tadi ado soghang mc..padahal dio da boghitau esey semalam laie..ni esok partner esey lak nak mc..tapi tadi dio da bogitau kek esey..sonyum yo lah..apo nak buek lak kan..sok esey kawin..menghaso la pulak korang yo buek kojo melambak2 tu..

takpolah..yang ponting nanti bos esey upgrade laie esey yo..sampai jd CEO pulak..banggo bedah nanti..esey gomar tu..kelantak eh oghang lain nak dongki..yang ponting esey bukan kaki kipeh yooo..xdapek do yo..ayoo..poning amik kepalo esey ni..duk mikir kan hal kawin laie..hal duit lain..kot sapo2 ado nak menderma,silo lah yo..dialu2kan..gomar bonar esey tu..I like kato omputih..sudah la tu hai..kalo nak menaip yo kojo eh..sampai bilo..membuto laie baguih...sok kojo yo laie.. :-)